• Rebecca Leung

工作筆錄|不要叫人小看你年輕


得之前接受訪問有記者問我有無因為後生比人刁難,我果陣隱約記得有,但由於太善忘嘅緣故已經舉唔出咩例子,我今次決定寫低佢,提醒自己將來唔好變成曾經討厭的人。


因為呢個世界很多人會因為年紀同性別而不屑你。


尋日一口氣係開咗幾個會,有律師有Agency有PR Firm; 有男有女;有東南亞人都有外國人。其實我過門都是客,假假地有機會成為你米飯班主,比錢你賺。深深體會到職場歧視果然無處不在,不分性別不分國籍。


有人一見到我一個女仔走黎開會就打量全身露出質疑眼光,好不安咁問我公司係咪全女班; 有人一見到我問我係咪未畢業,仲當咗我黎面試咁,不停查我學歷、背景同經驗,仲叫我分享有咩Achievement LOL,有人會以為你咩都唔識又係外地人亂報價想咬你一筆,當你扮曬天真反攻佢「其實我做Research同問其他Consultant都唔係咁講Wor」佢就即時原形畢露、支吾以對係咁遊花園。

有人會以為自己好巴閉扮到好專業係咁講好多 Digital Marketing Terms幫我上Lecture咁, 我面露笑容好客氣咁同對面果位將我卡片玩到皺曬又扮曬行內資深人士呀叔講,「其實你講果D我全部都好熟,不如唔好哂大家時間盡快入正題啦好嘛。」


雖然我係手無縛雞之力的小女孩(?) 但唔等於我唔配同你傾生意;雖然我社會經驗無大家咁老練但唔等於我真係好無知好欺負;雖然我個樣生到學生哥咁但唔等於我真係天真到可以任你魚肉;雖然我好多野都未識但我好勤力會做足功課做足準備尊重場合。


我願意虛心學習。但如果你因為我的性別我的年紀而看不起我,那是你的不專業,你會看輕其他人,只是因為你在我這個階段什麼都不是 📷:)開完一日呆呆地又悶悶不樂,但我要尊重自己身分,無黑面仲好有禮貌道謝同道別,上咗寶貴一課之餘,話你on9驚你嬲膠都廢事派📷☺️。

About Me

© 2023 by Going Places. Proudly created with Wix.com

  • White Facebook Icon
Join My Mailing List

工作地點不定,奉行「我的工作是旅行」,相信世界是我們去探索、解惑、學習、跌倒及成長的舞台,在一直出發的路上前進。

 

Read More