十年後再到訪東京，竟然來了一次不一樣的旅程 – 我在富士山下Glamping。
Glampling ＝ Glamorous + Camping 豪華版露營，最適合推薦比露營新手!
富士山大家應該去過，但事實上呢次富士山露營係新推出產品，所以在開售前一大班人出發，把散佈各地的外派同事都聚集一起，除了開會，又可以先體驗行程，解開大家對露營迷思！
瞓，唔一定係瞓地下！
距離羽田機場大概一個多小時車程便會到達營區，而營地會安排帳幕、睡袋及床鋪給參加者，大概3-4個人待在一個帳幕，地方都算寬敞，帳幕是無需親自落手搭建！（都可以話係高床軟枕），對於入門初哥絕對係好選擇，唔使「架餐」，唔使用腦，直接帶個人就Action! 入面有日本手作家具方便擺放個人雜物，帳幕周邊有梳化同吊床，方便傾計。
食，唔一定食頹餐！
露營團團費包括營地裡的伙食費，但絕對唔係普通頹餐，所有食物皆來自富士山，超新鮮超Fresh!仲要餐餐唔同，包括墨西哥卷，飯團，田園沙津、天婦羅，優格豬，西班牙海鮮飯、懶人野外BBQ（隨團工作人員係隔離幫你燒埋）、富士和牛⋯⋯ 全部都係即整即食，保證新鮮！
玩，唔一定Killer同Card Game！
而參加露營團都會有隨團教練、工作人員以及翻譯貼心安排各式各樣的活動，完全唔會悶！包括搓蕎麥面，包日式飯團等等，另外營地都有不同活動，包括騎馬、獨木舟、去動物園，可以玩的非常多元化，仲有仲有，可以去附近風呂浸溫泉（順便沖埋涼！）不過我最中意係悠悠閒閒攤在吊床欣賞自然風光！ (事實上工作時間比較多.....)
天氣，的確有機會不似預期!
入Camp其中一個最關心可能係見唔見到富士山，我參加體驗時間係7月中，天氣時好時壞，不過一放晴就會見到富士山！ 7月東京天氣算唔穩定，時而天晴，時而多雲，時而下雨，日溫差蠻大，營地準備定披肩，不過自己都要Spare Jacket比較穩陣！
整體黎講，難得係個咁靚既地方露營係值得一試，有趣之餘仲係一個新挑戰新嘗試，同一班人一齊去嘻嘻哈哈難難忘忘又幾日，仲幫自己新增一個Checked的Bucket List! （無錯，去露營絕對係一個Bucket List！）
>> 想了解更多關於富士山露營行程
>> 想了解更多露營有關行程